Bai irakasle eta baita ikasle parte hartzaileek leihaketak bizi izan duten giro bikaina azpimarratu dute.
Hurrengo pausoa Spain Skills izango da Madrilen 2013ko urtarrilean eta hemengo irabazleek uztailean Worldskillsen parte hartzeko aukera izango dute.
Skillsak lanbide heziketaren sustapenerako antolatzen dira urtetik urtera, geroz eta parte hartze handiagoarekin.
]]>
Maiatzaren 3an izan da sariak banatzeko ekitaldia, Gasteizen, eta beste hiru sari (probintzia bakoitzeko bat) banatu dira, lanbide-heziketako ikastetxeetako ikasle ohien jarduera profesionala sarituz. Hezkuntzako sailburua den Isabel Celaák eta Arabako gizarte zerbitzuko diputatua den Marta Alaña hartu dute parte ekitaldian.
Ikaslan sariak banatzen diren lehen aldia izan da, eta IKASLANek Europako Hezkuntza Programen Erakunde Autonomoari eman dio I. IKASLAN SARIA, lanbide-heziketa nazioarteko bihurtzea bultzatzen laguntzeagatik. Europako Hezkuntza Programen Erakunde Autonomoa Etengabeko Ikaskuntza Programaren Espainiako agentzia da eta, besteak beste, Erasmus eta Leonardo da Vinci bekak kudeatzeaz arduratzen da. Erasmus bekak goi-mailako ikasketak egiten ari diren ikasleentzat dira, eta Leonardo da Vinci bekak, berriz, erdi-mailako ikasketak egiten ari direnentzat. Haiei esker, joan den urtean, ikastetxe publikoetako 300 ikasleek baino gehiagok Europako 18 herrialdetan jarraitu zituzten ikasketak, hala nola Alemanian, Erresuma Batuan, Italian eta Herbehereetan, eta, azken sei urteotan, Ikaslaneko ikastetxeetako 1.500 ikasle inguruk jakin dute bertatik bertara Europako lan-merkatuaren berri.
Sariak banatzeko ekitaldian, Arabako, Gipuzkoako eta Bizkaiko LHko ikastetxe publikoetako ikasle ohien jarduera profesionala ere saritu da.
Aurten, Natalia Reyesek irabazi du IKASLAN ARABA saria. Karakterizazioko erdi-mailako gradua egin zuen Reyesek, Laudioko Institutuan. Emakumea eta, gainera, gaztea da, baina, ikasketak bukatu zituenetik (duela hiru urte baino gehixeagotik), oso sektore konplikatu batean bidea urratzea lortu du, eta Espainiako telebistarako telesailak (adibidez, Tierra de lobos) ekoizten dituzten zenbait etxerentzat lan egin du.
IKASLAN BIZKAIA saria, berriz, Iñigo Gómezek eta Iván Miñambresek irabazi dute. Irudia eta Soinua ikasi zuten Gómezek eta Miñambresek, Erandioko Tartanga GLHBIn, eta UniKO enpresa sortu zuten, Birdboy animazio-telesailaren ekoizleetako bat. Hain zuzen ere, animazio-film laburrik onenarentzako Goya saria irabazi zuen telesailak, eta 2012ko Oscar sarietarako lehen hautaldian aukeratu zuten.
Azkenik, Miguel Lazpiurrek irabazi du IKASLAN GIPUZKOA saria. Besteak beste, CONFEBASKeko lehendakari izana da Lazpiur, eta José Lazpiur taldeko gerentea eta taldearen jabeetako bat da. José Lazpiur holdingak ehun enplegatu baino gehiago ditu, eta horien % 90ek lanbide-heziketako ikasketak egin dituzte.
IKASLAN sarien helburua da lanbide-heziketa publikoak gizarteari egiten dion zerbitzua hobetzen laguntzen duten pertsonak eta erakundeak saritzea.
DATA: MAIATZAREN 3a.
ORDUA: 11:00.
LEKUA: GASTEIZKO MENDIZABALA INSTITUTUA.
]]>Cedefop-ek Europar Batasunean 2020 urtea arte 8 milioi lanpostu sortuko direla aurreikusi du. Halaber, lan merkatua utziko duten pertsonak ordezkatzeko 75 milioi lanpostu inguru sortuko dira aldi berdinean.
Dena den, gaitasun eta konpetentzien egokitasun ezak eta zenbait sektoreetan kualifikazio egokia duten pertsonen faltak Europako lan merkaturako arriskuak areagotzea eta europar ekonomiako lehiakortasuna handitzea ekartzen dute.
|
Erlazionatutako dokumentua: |
||||
|
||||
Ikaslan EAEko Lanbide Heziketako Ikastetxe Publikoen Elkarteak aste honetan ekingo dio Eusko Jaurlaritzako Enplegu Sailak, Lanbidek eta Hobetuzek bultzatutako Enplegurako Prestakuntza Sistema berria zabaltzeko eta sustatzeko planari.
Plana 2012ko otsailetik irailera bitartean garatuko da, eta hainbat fase ditu. Ikaslanen ustez, etengabeko prestakuntzak batez ere krisi-garaian duen garrantzia uzten du agirian.
Hasierako fasean, Ikaslanek 3.000 euskal enpresei (ETE-ei eta ETE txikiei) jakinaraziko die abian dela Enplegurako Prestakuntza Sistema berria. Bigarren fase batean, 900 konpainiak Ikaslaneko prestakuntza-arduradunen bisitak izango dituzte informazio zabalagoa jasotzeko; aldi berean, jardunean nahiz langabezian dauden 2.700 langilek informazio zuzena jasoko dute Ikaslanek EAEko hiru lurraldeetan dituen 56 ikastetxeetan.
Hirugarren fasean, hamar informazio-jardunaldi egingo dira Gipuzkoako, Bizkaiko eta Arabako hainbat eskualdeetan. Horietan, enpresariei nahiz langileei Enplegurako Prestakuntza Sistema berriari buruzko nahiz Tripartita Fundazioaren hobari-sistemari buruzko informazio zabala emango zaie, azken hori ez baitago oso txertatuta enpresetan, Enplegurako Prestakuntzaren Behatokiaren datuen arabera. Irailean, zabaltze-planari amaiera emango dion jardunaldia egingo da.
Zabaltze-plana garatuko den hiletan zehar, Ikaslaneko ordezkariek Profesionaltasun Egiaztagiriak azpimarratuko dituzte bereziki, horiexek direlako Enplegurako Prestakuntza Sistema berriaren ardatzak. Horien garrantzia honetan datza: ofizialki egiaztatzen dutela langileak lanbide-kualifikazio nahikoa duela bere lana egiteko. Egiaztagiri horiek lortzeko bide bat baino gehiago dago: prestakuntza, laneko eskarmentua egiaztatzea (Laneko Eskarmentua Aitortzeko Bidea erabiliz), eta aurreko bi aukerak konbinatzea.
Profesionaltasun Egiaztagiriak duen garrantzia azpimarratu nahi dugu. Izan ere, lehen aldia da Lanbide-Hobetuzen 2012rako prestakuntza-eskaintza horietan oinarritzen dena.
Zabaltze-plan horretan Ikaslanek nabarmentzen duen beste alderdietako bat Laneko Eskarmentua Aitortzeko Mekanismoa da. Gaur egun alor batzuetan baino ez dago indarrean, baina gainerako guztietan ere ezartzeko bidean dago. Prestakuntza egiaztatzeko sistema pertsonalizatua eta malgua da, pertsonek duten gaitasuna modu ofizialean egiaztatu eta, motibazio horrekin, bizitzan zehar etengabe ikasi eta lanbide gaitasuna sustatzera bultzatzeko helburua duten Europako beste sistema batzuekin homologatzeko modukoa. Era berean, lan-merkatu lehiakor batean, geroz eta profesional prestatuagoak behar direnean, langileak baldintza hobean kokatzeko helburua ere badu.
Zergatik da Ikaslan plan horretan aitzindaria?
2011n, 27.000 langile -jardunekoak nahiz langabeak- birziklatu ziren Ikaslaneko ikastetxeetan.
Euskadiko Lanbide Hezkuntzako Ikastetxe Publikoen Elkarteak harreman iraunkorrak ditu EAEko 9.000 enpresarekin: ia produkzio jardueren % 100 dago horien esku.
Donostia, 2012ko otsailaren 14a
Albistea ondorengo komunikabideetan agertu da:
http://www.deia.com/2012/02/15/sociedad/euskadi/la-fp-relanza-la-nueva-formacion-para-el-empleo-entre-las-empresasGara Egunkaria
]]>Jardunaldiaren helburuak honako hauek dira:
1.- Enplegurako Lanbide Heziketaren gaur egungo egoerari, bertan eman diren aldaketei eta etorkizunari buruzko informazioa ematea: gaitasuna egiaztatzeko egitura, profesionaltasun ziurtagiriak, 2012rako aurreikuspenak…
2.- Jarraian aipatzen diren helburuak bete ahal izateko, Hobetuzeko deialdian Ikaslan Elkarteari onartutako egitasmoaren ( Babes eta laguntza ekintzak ) ondorengo helburuekin:
- Ikastetxe publikoek Deialdian ezin parte hartzearen arazoari irtenbide bat ematea.
- Enplegurako Lanbide Heziketari buruzko informazioa enpresa eta langileen artean zabaltzeko ikastetxeetatik egiten den lana agerian uztea eta erraztea.
Horretarako saio desberdinak antolatu dira:
1 SAIOA (Ikastetxe Publikoentzat)
EGUNA: 2012ko otsailak 13an, astelehena
TOKIA: TKNIKA
ORDUTEGIA: 16:30etatik 18:00etara
NORI ZUZENDUA: LH ikastetxe PUBLIKOETAKO Etengabeko Prestakuntza eta Lantokiko Prestakuntza Modulua (LPM) arduradunei
2 SAIOA (Ikastetxe Publikoentzat)
EGUNA: 2012ko otsailak 14an, asteartea
TOKIA: IEFPS Mendizabala GLHBI
ORDUTEGIA: 16:30etatik 18:00etara
NORI ZUZENDUA: LH ikastetxe PUBLIKOETAKO Etengabeko Prestakuntza eta Lantokiko Prestakuntza Modulua (LPM) arduradunei
3 SAIOA (Ikastetxe Publikoentzat)
EGUNA: 2012ko otsailak 15an, asteazkena
TOKIA: IEFPS Elorrieta Erreka Mari GLHBI
ORDUTEGIA: 16:30etatik 18:00etara
NORI ZUZENDUA: LH ikastetxe PUBLIKOETAKO Etengabeko Prestakuntza eta Lantokiko Prestakuntza Modulua (LPM) arduradunei
]]>2012ko otsailaren 6tik 15era bitartean, biak barne, eman beharko dute izena Euskal Autonomia Erkidegoan heziketa-zikloak ematen dituen ikastetxe batean.
Izen-ematea egiten dutenean, sarrera-proba egiteko azterketa-eskubideak ordaindu beharko dituzte izangaiek. Azterketa-eskubideak ordaintzeko azken eguna 2012ko otsailaren 17a izango da.
Salbuespenen behin-behineko ebazpena, eta proba egiteko onartu eta baztertutakoen zerrenda 2012ko martxoaren 16an argitaratuko dira IEFPS Easo GLHBI (Felipe IV.aren hiribidea, 1.a. Donostia) edo web-orri hauetan: www.hezkuntza.net edo www.euskadi.net/lanbidez.
Martxoaren 19an eta 20an, ikastetxeetako idazkaritzan, salbuespenei buruzko ebazpenarekin, eta onartu eta baztertutakoen zerrendarekin lotutako erreklamazioak egin ahal izango dira.
Apirilaren 3an, 12:00etan, argitaratuko dira proba egiteko onartu eta baztertutakoen, eta salbuespenen behin betiko zerrendak.
2012ko ekainaren 1etik 6ko 12:00etara bitartean, dagokion aldian heziketa-zikloetan sartzeko proban izena emanda duten ikasleek erdi-mailako ziklo batean edo hasierako lanbide-kualifikazioko programaren batean matrikulatuta badaude, eskatutako salbuespenei buruzko agiriak aurkeztu ahal izango dituzte proban izena emateko epean.
Ekainaren 7ko 12:00etan argitaratuko da ikasle hauen zerrenda.
*Pertsona berak ezin izango du ikasturte berean autonomia-erkidego batean baino gehiagotan sarrera-probetan izena eman. Baldintza hori ez betetzeak izen-ematea deuseztatzea ekarriko du berekin.
]]>
Biltzar honen barruan jardunaldi irekia 28an izango da eta interesa duten pertsonek izena eman ahal izango dute.
28ko egitaraua hemen dago: